نظام التسعير الذكي في ادسنس
نظام التسعير الذكي في ادسنس ولكن قبل اي حاجة تعرف ايه هو سبب الctr في الغالب الناس هتقول انه مكان الاعلان ايوة مكان الاعلان في موضوعك عامل مهم لكن جودة الاعلان عامل اهم ،دي تجربة انا عملتها من فنرة اكتر من مرة واتاكدت من
المعلومة دي عملت تسيت عندي علي اكتر من url من نفس الموقع ونفس توزيع الاعلان الاول الالف ظهور بتاعه ب2 دولار والتاني الالف ظهور بتاعه كان 8 دولار وطبعا ده عربي مش اجنبي الاول كان نسبة النقر بتاعته 2% والتاني كان 8% الفرق الوحيد بين الرابطين ان الاول كان محتوي مش غالي والتاني كان محتوي غالي طيب ايه الفرق ، الرابط التاني كان لمحتوي
غالي والمعلنين بتوعه ناس بتعرف تعمل اعلانات كويس ،ناس بتعرف تعمل اعلان يجذب عين الزائر ويحقق ctr عالي من هنا نبدأ تعرف حاجة مهمة عميلك المعلن** اه زي ما قرأت المعلن عميل ليك ولازم تهتم بيه وتحققله نتائج كويسة والكل يخرج من
اللعبة كسبان الناشر والمعلن والزائر وجوجل نبدا بقي بي ايه هو التسعير الذكي "إذا تبين لنظامنا أن هناك نقرة على أحد إعلانات AdSense يقل احتمال تسببها في أي نتائج تجارية، مثل عملية شراء أو اشتراك في رسالة إخبارية، فإننا قد نعمل على خفض عرض السعر الأقصى للمعلن." يعني ياسيدي لما الزائر ينقر علي الاعلانات عندك والزائر ده في الغالب مش هيعمل اكشن بيقلل
سعر النقرة عندك . النسب ايه هي بقي الله اعلم انا معرفش النسب ومفيش اي معلومة عنها... يجي كل الناشرين بقي يشوفو التسعير الذكي مش في مصلحتهم وبيخسرهم لكن احنا هنشوف العكس وازاي نستخدم التسعير الذكي في مصلحتنا وهي باختصار انك تخلي الزائر يعمل اكشن وفي الحالة دي انت هتاخد الحد الاقصي للنقرة ووقتها هيختفي من حسابك النقرات المنخفضة وال ctr المنخفض
وهتخلي المعلنين يولعو في بعض عليك ويزايدو عليك لاعلي سعر الكلام ده ينفع يطبق ؟؟؟ اه ينفع بس ليه شروط معينة ان يكون محتواك متخصص وفي مجال غني انك تبقي فاهم مين المعلنين الي عندك تكتب محتوي في الكلمات الطويلة علشان هي مش هتجيب الا الزائر المستهدف المحتوي بتاعك يبقي بيأهل الزائر انه يعمل اكشن لمحتوي الاعلانات الي عندك استخدم قسم مراجع
ة الاعلانات واحذف اي اعلانات ملهاش لازمة او بتاعة معلنين اغبياء لانهم بياثرو عليك بردو اوعي تخلي المعلن ابو كليكة ده عندك انت المفروض كناشر تبقي بتعرف تشتغل Google AdWords علشان تبقي فاهم اللعبة شغالة ازاي انا في مرة كنت بعمل اعلان علي Google AdWords واستهدفت موقع عربي قعدت ازايد عليه لحد ما وصلت النقرة بدولار علشان اعرف اظهر عندو
بس طيب انت واخد بالك من الي بيحصل ان موقع عربي المعلنين بيتخانقو عليه لحد ما وصلت النقرة بدولار وكان الجمهور مصري كمان تخيل هو ده شغل المحترفين لان المعلن الذكي بيقبي عارف المواقع الي بيتجيب ليه كونفيرجن وبيعرف يحلل كويس
الكونفيرجن ده جيه منين وازاي وامتي مش المعلن ابو كليكة ده سيبك منه ده تعبان وفلتره من مركز الاعلانات بتاعك وانت لو
طبقت الحاجات الي فوق دي هتجذب المعلنين دول وفي الحالة دي اعمل قناة في ادسنس للوحدات الاعلانية بتاعتك ووقتها هتلاقي المعلنين بيولعو في بعض علي المكان بتاعك ووقتها بقي يبقي اتكلم في الف ظهور معدي في المحتوي العربي براحتك ده كدة شغل
ناشرين محترفين مع معلنين محترفين والكل هيخرج كسبان بص انا اديتك خطوط عريضة شغلها انت بقي زي ما انت عايز، انا مش هشرح اكتر من كدة لان الاسبام لو عرفو يوصللها هيفرتكوها ونصيحة اخيرة من اخوك ..التسعير الذكي بقالو 9 سنين لو انت
اول مرة تسمع عنه راجع نفسك قوي لانك في الغالب خسران كتير لان دي مجرد معلومات عادية المفروض تبقي مع الكل لو انت متعرفهاش يبقي انت فعلا فايتك كتير تتمسو بخير
